ಉಣ್ಣೆ ಕೊರಳಿನ ಕೊಕ್ಕರೆ (Woolly-necked Stork)

 "ಬಿಳಿ ಪೇಟ" ಧರಿಸಿದ ಪಕ್ಷಿ! ಗ್ರಾಮೀಣ ಭಾಗಗಳಲ್ಲಿ ಈ ಪಕ್ಷಿಯನ್ನು ನೋಡಿ ಹಿರಿಯರು ತಮಾಷೆಯಾಗಿ ಹೇಳುವುದುಂಟು, ಈ ಪಕ್ಷಿ ಕಪ್ಪು ಕೋಟು ಧರಿಸಿ, ಕುತ್ತಿಗೆಗೆ ಬಿಳಿ ಮಫ್ಲರ್ ಸುತ್ತಿಕೊಂಡು, ತಲೆಗೆ ಕಪ್ಪು ಟೋಪಿ ಹಾಕಿಕೊಂಡಿರುವ "ಜಂಟಲ್‌ಮ್ಯಾನ್" ತರಹ ಕಾಣುತ್ತದೆ ಎಂದು! ಇದರ ಗರಿಗಳ ವಿನ್ಯಾಸ ಅಷ್ಟು ಅಚ್ಚುಕಟ್ಟಾಗಿರುತ್ತದೆ. 

ಕಾಳ್ಗಿಚ್ಚಿನ ಸಮಯದಲ್ಲಿ ಇವುಗಳ ಸಾಹಸ ನಿಮಗೆ ಆಶ್ಚರ್ಯವಾಗಬಹುದು, ಕಾಡಿನಲ್ಲಿ ಬೆಂಕಿ ಬಿದ್ದಾಗ (Forest Fires) ಈ ಪಕ್ಷಿಗಳು ಬೆಂಕಿಯಿಂದ ದೂರ ಓಡುವುದಿಲ್ಲ! ಬದಲಿಗೆ, ಬೆಂಕಿಯ ಅಂಚಿನಲ್ಲಿ ಬಂದು ನಿಲ್ಲುತ್ತವೆ. ಬೆಂಕಿಯ ಶಾಖಕ್ಕೆ ಹೆದರಿ ಹೊರಬರುವ ಮಿಡತೆಗಳು ಮತ್ತು ಸಣ್ಣ ಸಣ್ಣ ಜೀವಿಗಳನ್ನು ಬೇಟೆಯಾಡಲು ಇವು ಈ ಸಮಯವನ್ನು ಬಳಸಿಕೊಳ್ಳುತ್ತವೆ. ಇದು ಇವುಗಳ ಸಮಯಪ್ರಜ್ಞೆ ಮತ್ತು ಧೈರ್ಯಕ್ಕೆ ಸಾಕ್ಷಿ. 

ಈ ಪಕ್ಷಿಗಳು ಸಾಮಾನ್ಯವಾಗಿ 'Monogamous' ಸ್ವಭಾವದವು. ಹೆಚ್ಚಿನ ಕೊಕ್ಕರೆಗಳು ದೊಡ್ಡ ಗುಂಪುಗಳಲ್ಲಿ ವಾಸಿಸುತ್ತವೆ, ಆದರೆ ಈ ಉಣ್ಣೆ ಕೊರಳಿನ ಕೊಕ್ಕರೆಗಳು ಹೆಚ್ಚಾಗಿ ಒಂಟಿಯಾಗಿ ಅಥವಾ ಜೋಡಿಯಾಗಿ ಕಾಣಿಸಿಕೊಳ್ಳುತ್ತವೆ. ಇವು ಸ್ವಲ್ಪ ನಾಚಿಕೆ ಸ್ವಭಾವದ ಪಕ್ಷಿಗಳು.  ಇವು ಜೀವನಪರ್ಯಂತ ಒಂದೇ ಸಂಗಾತಿಯೊಂದಿಗೆ ಇರಲು ಬಯಸುತ್ತವೆ. ಪ್ರತಿ ವರ್ಷ ಸಂತಾನೋತ್ಪತ್ತಿಯ ಸಮಯದಲ್ಲಿ ಹಳೆಯ ಗೂಡನ್ನೇ ರಿಪೇರಿ ಮಾಡಿ ಬಳಸುವ ಗುಣ ಇವುಗಳಲ್ಲಿದೆ.

ತುಂಬಾ ಬಿಸಿಲಿದ್ದಾಗ ಈ ಪಕ್ಷಿಗಳು ತಮ್ಮ ಕಾಲುಗಳ ಮೇಲೆ ಮಲವಿಸರ್ಜನೆ ಮಾಡಿಕೊಳ್ಳುತ್ತವೆ! ಇದು ಕೇಳಲು ವಿಚಿತ್ರವೆನಿಸಿದರೂ, ಆ ದ್ರವವು ಆವಿಯಾಗುವಾಗ ಕಾಲುಗಳ ಮೂಲಕ ಇಡೀ ದೇಹದ ಉಷ್ಣತೆಯನ್ನು ಕಡಿಮೆ ಮಾಡುತ್ತದೆ. ಇದು ಪ್ರಕೃತಿ ಇವುಗಳಿಗೆ ನೀಡಿರುವ 'ನ್ಯಾಚುರಲ್ ಕೂಲಿಂಗ್ ಸಿಸ್ಟಮ್'. 

ಇವು ಹಾರುವಾಗ ಗಾಳಿಯ ಪ್ರವಾಹವನ್ನು (Thermals) ಬಳಸಿಕೊಂಡು ರೆಕ್ಕೆ ಬಡಿಯದೆ ಗಂಟೆಗಟ್ಟಲೆ ಆಕಾಶದಲ್ಲಿ ತೇಲಬಲ್ಲವು. ಎತ್ತರಕ್ಕೆ ಹೋದಂತೆ ಇವುಗಳ ಬಿಳಿ ಕುತ್ತಿಗೆ ಆಕಾಶದ ಮೋಡಗಳ ನಡುವೆ ಅದ್ಭುತವಾಗಿ ಮಿನುಗುತ್ತದೆ.

 ಇವುಗಳಿಗೆ ಹಾಡುವ ಅಥವಾ ಕೂಗುವ ಅಭ್ಯಾಸ ಬಹಳ ಕಡಿಮೆ. ಸಂವಹನ ನಡೆಸಲು ಇವು ತಮ್ಮ ಕೊಕ್ಕನ್ನು ಪರಸ್ಪರ ಬಡಿಯುತ್ತವೆ (Bill-clattering), ಇದು ಒಂದು ವಿಶಿಷ್ಟವಾದ ಶಬ್ದವನ್ನು ಉಂಟುಮಾಡುತ್ತದೆ. 

ಈ ಪಕ್ಷಿಗಳು ನಿಮ್ಮ ಭಾಗದಲ್ಲಿ ಕಾಣಿಸಿಕೊಳ್ಳುತ್ತಿವೆ ಎಂದರೆ, ಅಲ್ಲಿನ ಜಲಮೂಲಗಳು ಮತ್ತು ಪರಿಸರ ಇನ್ನು ಉತ್ತಮವಾಗಿದೆ ಎಂದರ್ಥ. ಏಕೆಂದರೆ ಇವು ಕಲುಷಿತಗೊಂಡ ಪ್ರದೇಶಗಳಿಗಿಂತ ಸ್ವಚ್ಛವಾದ ಹಸಿರು ಪರಿಸರವನ್ನೇ ಹೆಚ್ಚು ಇಷ್ಟಪಡುತ್ತವೆ.​ ಪ್ರಕೃತಿಯ ಈ ಸುಂದರ ಸೃಷ್ಟಿಯನ್ನು ರಕ್ಷಿಸೋಣ. 

ವಿಶ್ವನಾಥ್. ಬಿ.ಮಣ್ಣೆ

#ಕರ್ನಾಟಕಪಕ್ಷಿಗಳು #ವನ್ಯಜೀವಿ #ನಮ್ಮಪ್ರಕೃತಿ #ಕನ್ನಡ #ಪರಿಸರಸಂರಕ್ಷಣೆ #ಪಕ್ಷಿಪ್ರೀತಿWoollyNeckedStork #WoolNeckedStork #Stork #BirdWatching #IndianBirds #WetlandBirds #Waterbirds #NaturePhotography #WildlifeIndia #BirdsofIndia #Conservation #KarnatakaWildlife #StorksofIndia #EndangeredBirds #BirdLovers

ಚಿಟ್ಟು ಮಡಿವಾಳ - Indian Robin (Motacilla fulicata, Saxicoloides fulicata, Thamnobia cambaiensis, Thamnobia fulicata, Sylvia ptymatura)

ಚಿತ್ರಕೃಪೆ: ಸುನಿಲ್  (ಮರಳಕುಂಟೆ)

ಕಾಜಾಣ - Black Drango

(Black Drango - (c) Sunil S Maralakunte)

ನೀಲಕಂಠ - indian roller

ಚಿತ್ರಕೃಪೆ: ಸುನಿಲ್ ಕುಮಾರ್ (ಮರಳಕುಂಟೆ)
ಹೆಚ್ಚಿನ ಮಾಹಿತಿಗೆ ಈ ಲಿಂಕ್ ಕ್ಲಿಕ್ ಮಾಡಿ

ಇಂದು ಬೆಳಗಿನ ಜಾವ, ಸುನೀಲ್ ಮತ್ತು ನಾನು ಸುತ್ತಾಡಲು ಹೊರಟಾಗ, ಹೋ, ಇಲ್ನೋಡಿ ಕಿಂಗ್ ಫಿಶರ್ ಹಕ್ಕಿ, ಅಂತಾ ವಿದ್ಯುತ್ ತಂತಿಯ ಮೇಲೆ ಕೂತಿದ್ದ ನೀಲಿ ಪಕ್ಷಿಯೊಂದು ಜಿಗಿದು ಹಾರಿದ್ದನ್ನು ನಾನು ಬೊಟ್ಟು ಮಾಡಿ ಸುನೀಲ್ ಗೆ ತೋರಿಸಿದೆ. ಸುನೀಲ್ ಅದರ ಪೋಟೋ ತೆಗೆದು ನಂತರ ನನಗೆ ಹೇಳಿದ್ರು, ವಿಶ್ವ, ಅದು ಕಿಂಗ್ ಫಿಶರ್ ಹಕ್ಕಿ ಅಲ್ಲ. ಅದು ಇಂಡಿಯನ್ ರೋಲರ್ ಎನ್ನುವ ಕನ್ನಡದ ನೀಲಕಂಠ ಪಕ್ಷಿ,

ಹೌದಾ, ಅದು ಹೇಗೆ ಗೊತ್ತಾಗುತ್ತೆ ನಿಮಗೆ, ನಾನು ಕಿಂಗ್ ಫಿಶರ್ ಹಕ್ಕಿಯನ್ನು ನೋಡಿದ್ದೇನೆ. ಅದೂ ಹೀಗೆ ಇತ್ತು ಅಂತ ನಾನು ವಾದಿಸಿದೆ. ಹೌದಾ, ಹಾಗಾದ್ರೆ ನೀನು ನೋಡಿದ ಕಿಂಗ್ ಫಿಶರ್ ಹೇಗಿತ್ತು ಅಂತ ಹೇಳು ನೋಡೋಣ ಅಂದ್ರು ಸುನೀಲ್, ನಾನದಕ್ಕೆ ಅದೂ ಹೀಗೆ ನೀಲಿ ಬಣ್ಣದಲ್ಲಿತ್ತು, ಒಂಥರಾ ನೋಡೋಕೆ ಹೀಗೆ ಇತ್ತು. ಬಹುಶಃ ಇದೇ ತರಹಾನೇ ಇತ್ತು ಅಂತ ವಾದಿಸಿದ ನನ್ನ ವರಸೆಗೆ ಅವರು ಸಮಾಧಾನವಾಗಿ ಉತ್ತರಿಸಿದರು.

ನೋಡು ವಿಶ್ವ, ಬಣ್ಣದಲ್ಲಿ ಕಿಂಗ್ ಫಿಶರ್ ಮತ್ತು ಇಂಡಿಯನ್ ರೋಲರ್ ಗಳಲ್ಲಿ ಸಾಮ್ಯತೆ ಕಂಡುಬರುವುದರಿಂದ ನಿನಗೆ ಈ ರೀತಿ ಗೊಂದಲ ಉಂಟಾಗ್ತಿರಬಹುದು ಅಷ್ಟೆ.

ಇಲ್ನೋಡು, ಅಂತ ಅವರ ಸ್ಮಾರ್ಟ್ ಫೋನಿನಲ್ಲಿ ಕಿಂಗ್ ಫಿಶರ್ ಪಕ್ಷಿಯ ಚಿತ್ರ ಮತ್ತು ಇಂಡಿಯನ್ ರೋಲರ್ ಪಕ್ಷಿಯ ಚಿತ್ರಗಳನ್ನು ಅಂತರ್ಜಾಲದಿಂದ ಕೆದಕಿ ಒಂದಕ್ಕೊಂದು ತಾಳೆ ಮಾಡುತ್ತಾ ಇವುಗಳ ಕೊಕ್ಕು, ಲಕ್ಷಣ, ಗಾತ್ರ, ವಾಸಸ್ಥಾನ ಇವುಗಳ ವ್ಯತ್ಯಾಸಗಳನ್ನು ವಿವರಿಸಿದರು. ಅಂತೂ ಇನ್ನು ಮುಂದೆ ಯಾವತ್ತೂ ನೀಲಕಂಠ ಪಕ್ಷಿಯನ್ನು ಕಿಂಗ್ ಪಿಶರ್ ಹಕ್ಕಿ ಅಂತ ತಿಳಿದುಕೊಳ್ಳದಂತೆ ಒಂದಕ್ಕೊಂದು ತಾಳೆ ಮಾಡಿ ವಿವರಗಳನ್ನು ಹೇಳ್ತಾ ಹೋದ್ರು.

ನಂತರ ನಾನೂ ಸಹ ನನ್ನ ಸ್ಮಾರ್ಟ್ ಪೋನಿನಲ್ಲಿ ನೀಲಕಂಠದ ಬಗ್ಗೆ ಮಾಹಿತಿ ಹುಡುಕಾಡಿದಾಗ ನೀಲಕಂಠ ಪಕ್ಷಿ ಕರ್ನಾಟಕ ರಾಜ್ಯದ ರಾಜ್ಯ ಪಕ್ಷಿ. ಅಲ್ಲದೇ, ತೆಲಂಗಾಣ, ಆಂದ್ರಪ್ರದೇಶ, ಬಿಹಾರ, ಒಡಿಶಾ ರಾಜ್ಯಕ್ಕೂ ಸಹ ನೀಲಕಂಠ ರಾಜ್ಯಪಕ್ಷಿಯಾಗಿದೆ. ನೀಲಕಂಠ ಪಕ್ಷಿ ಭಾರತದಲ್ಲಿ ಅತಿ ಹೆಚ್ಚು ರಾಜ್ಯಗಳಿಗೆ ರಾಜ್ಯಪಕ್ಷಿಯಾಗಿದೆ. ಕುತ್ತಿಗೆ, ಎದೆಯ ಭಾಗ, ಬೆನ್ನಿನ ಮೇಲೆ ಕಂದು ಬಣ್ಣವನ್ನು ಹೊಂದಿರುವ ಇದು ರೆಕ್ಕೆ ಹಾಗೂ ನೆತ್ತಿಯ ಮೇಲ್ಭಾಗದಲ್ಲಿ ತಿಳಿ ನೀಲಿ ಬಣ್ಣವನ್ನು ಹೊಂದಿದೆ. ಕೊಕ್ಕು ಕಪ್ಪು ಬಣ್ಣವನ್ನು ಹೊಂದಿರುವ ಈ ಪಕ್ಷಿ ಪಾರಿವಾಳಕ್ಕಿಂತಲೂ ಗಾತ್ರದಲ್ಲಿ ಚಿಕ್ಕದಾಗಿರುತ್ತದೆ. ಈ ಪಕ್ಷಿಯನ್ನು ಸಾಮಾನ್ಯವಾಗಿ ತಂತಿ, ಮರ, ಬಂಡೆ ಹಾಗೂ ಕಂಬಗಳಲ್ಲಿ ಕುಳಿತಿರುವುದನ್ನು ಕಾಣಬಹುದು, ಅಲ್ಲದೇ, ಈ ಪಕ್ಷಿ ಕಪ್ಪೆ, ಹಾವುರಾಣಿ, ಇನ್ನಿತರೆ ದೊಡ್ಡ ಹುಳಗಳನ್ನು ಹಿಡಿದು ತಿನ್ನುತ್ತದೆಂಬ ಮಾಹಿತಿ ತಿಳಿಯಿತು.

ಈ ಪೋಟೋ ನೋಡು ವಿಶ್ವ, ಅಂತ ಸುನೀಲ್ ನನಗೆ ಕ್ಯಾಮೆರಾ ತೋರಿಸಿದಾಗ, ಇದು ನನಗೆ ಈಗ ತಿಳಿದು ಹೋಯ್ತಲ್ಲಾ, ನೀಲಕಂಠ ಪಕ್ಷಿ ಅನ್ನೋದು, ಇನ್ನು ಯಾವತ್ತಾದರೂ ಕೇಳಿ ಇದರ ಬಗ್ಗೆ ನಾನು ಹೇಳ್ತೀನಿ. ಅಂದಾಗ ನಸುನಕ್ಕು ನನ್ನ ಬೀಳ್ಕೊಟ್ಟು ಹೊರಟರು. ನಾನು ನನ್ನ ಮೊಬೈಲ್ ಪೋನಿನಲ್ಲಿ ನೀಲಕಂಠದ ಬಗ್ಗೆ ಇನ್ನಷ್ಟು ಮಾಹಿತಿಯನ್ನು ಯೂ-ಟ್ಯೂಬ್ ನಲ್ಲಿ ಹುಡುಕುತ್ತಾ ಮನೆಕಡೆ ಹೊರಟೆ.